शिव षडक्षर स्तोत्रम् Shiva Shadakshara Stotram

शिव षडक्षर स्तोत्रम्
Shiva Shadakshara Stotram

ॐकारं बिंदुसंयुक्तं नित्यं ध्यायंति योगिनः ।
कामदं मोक्षदं चैव ॐकाराय नमो नमः ॥१॥
Omkaaram Bindu-Samyuktam Nityam Dhyaayanti Yoginah |
Kaamadam Mokssadam Caiva Omkaaraaya Namo Namah ||1||

नमंति ऋषयो देवा नमन्त्यप्सरसां गणाः ।
नरा नमंति देवेशं नकाराय नमो नमः ॥२॥
Namanti Rssayo Devaa Namanty-Apsarasaam Gannaah |
Naraa Namanti Deve[a-Ii]sham Nakaaraaya Namo Namah ||2||

महादेवं महात्मानं महाध्यानं परायणम् ।
महापापहरं देवं मकाराय नमो नमः ॥३॥
Mahaadevam Mahaa-Aatmaanam Mahaa-Dhyaanam Paraayannam |
Mahaa-Paapa-Haram Devam Makaaraaya Namo Namah ||3||

शिवं शांतं जगन्नाथं लोकानुग्रहकारकम् ।
शिवमेकपदं नित्यं शिकाराय नमो नमः ॥४॥
Shivam Shaamtam Jagan[t]-Naatham Loka-[A]nugraha-Kaarakam |
Shivam-Eka-Padam Nityam Shikaaraaya Namo Namah ||4||

वाहनं वृषभो यस्य वासुकिः कंठभूषणम् ।
वामे शक्तिधरं देवं वकाराय नमो नमः ॥५॥
Vaahanam Vrssabho Yasya Vaasukih Kamttha-Bhuussannam |
Vaame Shakti-Dharam Devam Vakaaraaya Namo Namah ||5||

यत्र यत्र स्थितो देवः सर्वव्यापी महेश्वरः ।
यो गुरुः सर्वदेवानां यकाराय नमो नमः ॥६॥
Yatra Yatra Sthito Devah Sarva-Vyaapii Mahe[a-Ii]shvarah |
Yo Guruh Sarva-Devaanaam Yakaaraaya Namo Namah ||6||

षडक्षरमिदं स्तोत्रं यः पठेच्छिवसंनिधौ ।
शिवलोकमवाप्नोति शिवेन सह मोदते ॥७॥
Ssaddakssaram-Idam Stotram Yah Patthe-Shiva-Samnidhau |
Shiva-Lokam-Avaapnoti Shivena Saha Modate ||7|